14:15 - 28.02.2024

---

28 fevral, Fineko/abc.az. 2003-cü ildən 2023-cü ilədək bizim problemlərin həllində nələrə nail olduğumuza baxmalıyıq.

ABC.AZ Apa-ya istinadən xəbər verir ki, bunu Milli Məclisin komitələrinin birgə təşkilatçılığı ilə keçirilən dinləmədə Azərbaycan Dövlət Su Ehtiyatları Agentliyinin sədri Zaur Mikayılov deyib.

Sədr bildirib ki, kanalizasiya layihəsi hazır olmayan yeganə rayon Bərdədir:

“O layihə də Fövqəladə Hallar Nazirliyindən keçməkdədir. Hazırda sadəcə içməli su və kanalizasiya sistemlərində davam edən layihələrin maliyyəti 2,7 milyard manatdan çoxdur. Təkcə Gəncədə layihələrin icrası 550 milyon manat tələb edir. Aran bölgələrində qapalı sistemə keçirilməsi üçün 9 milyard manata yaxın vəsait tələb olunur. Sırf indiki vəziyyəti düzəltmək üçün isə 20 milyard manat vəsait lazımdır. Biz bir şeyi etmək istəyiriksə, birinci maliyyətinə baxmalıyıq, sonra prioritetlərə bölərək problemi həll etməliyik”.