16:29 - 29.03.2024

---

29 mart, Fineko/abc.az. Laçın şəhərində və rayonun Zabux kəndində 661 ailə məskunlaşıb. Laçında əhalinin dayanıqlı məskunlaşmasında ən prioritet məsələlərdən biri məşğulluğun təmin edilməsidir.

ABC.AZ Report-a istinadənxəbər verir ki, bunu Bərdədə keçirilən “Peşə təhsili və özəl dövlət əməkdaşlığı” mövzusunda regional forumda “Laçın Abadlıq Xidməti” MMC-nin direktor müavini Elnur Abdullayev deyib.

O bildirib ki, Laçın rayonunun Zerti kəndi ərazisində 52 hektarda yaradılmış Aqrosənaye parkında 46 müəssisənin fəaliyyətə başlaması və 1169 vakansiya nəzərdə tutulub. Hazırda 24 bölmə üzrə 494 nəfər işlə təmin edilib.