14:55 - 2.04.2024

---

2 aprel, Fineko/abc.az. Dünyanın ən çox ziyarət edilən şəhərləri siyahısında Paris birinci yerdədir. 

ABC.AZ xəbər verir ki, burada hər kvadrat kilometrə ildə 351 min ziyarətçi düşür. İldə bir kvadrat kilometrə 85 min ziyarətçi olan Bern reytinqdə ikinci yeri tutur. 
Çikaqo üçüncü yerdədir (km2 başına 81 min ziyarətçi), Nyu-York 4-cü yerdədir. Hər kvadrat kilometrə 76 min nəfər göstərici ilə Stokholm reytinqin beşinci pilləsini tutur.

Bunun ardınca Amsterdam, Budapeşt (ildə km2 başına 57,14 min ziyarətçi), Los-Anceles (ildə km2 başına 41,57 min ziyarətçi), Roma (ildə km2 başına 27,13 min ziyarətçi) və Buxarest (ildə km2 başına 22,12 min ziyarətçi) gəlir.