09:26 - 6.04.2024

---

6 aprel, Fineko/abc.az. Brent və WTI markalı neftin qiymətləri aprel ayının ilk həftəsini inamlı artımla başa vurub.

ABC.AZ xəbər verir ki, bu həftə ərzində Brent markalı neft 4,79%, WTI isə 4,50% bahalaşıb.

Cümə günü keçirilən hərracların nəticələrinə görə, Brent markalı neftin iyun fyuçersləri $0,52 (0,57%) artaraq bir barel üçün $91,17-a çatıb.

5 aprel ticarətinin nəticələrinə görə, may ayı üçün WTI fyuçerslərinin qiyməti $0,31 (0,37%) artaraq bir barel üçün $86,91-a yüksəldi.