Dövlət qurumları 157 milyon manatı səmərəsiz xərcləyib - Hesablama Palatası

17:10 - 8.04.2024


8 aprel, Fineko/abc.az. 2023-cü ildə Hesablama Palatası tərəfindən 5 səmərəlilik auditi keçirilib

ABC.AZ Hesablama Palatasına istinadən xəbər verir ki, audit mövzuları müəyyənləşdirilərkən predmetin Dayanıqlı İnkişaf Məqsədləri (DİM) ilə uzlaşması, dövlət proqramları diqqətdə saxlanmış, ilk dəfə olaraq, hökumət əsaslı DİM qiymətləndirilməsi həyata keçirilmiş, investisiya fəaliyyətinin səmərəliliyi, eləcə də rəqəmsallaşma istiqamətinin ("Hökumət buludu"nun) səmərəliliyi və qiymətləndirilib.

Başa çatdırılmış səmərəlilik auditləri və digər auditlərlə əhatə olunan qurumlar tərəfindən ümumilikdə 156,8 mln. manat məbləğində səmərəsiz xərclərə yol verildiyi müəyyən edilib.

Hesabat ilində Hesablama Palatası tərəfindən səmərəlilik auditlərində predmetlərin müəyyənləşdirilməsi zamanı bu auditə xas hər 3 prinsip ( səmərəlilik, nəticəlilik və qənaətlilik) tətbiq edilib.