14:08 - 9.04.2024

---

9 aprel, Fineko/abc.az. Azərbaycanın poçt sektoru 2023-cü ildə 2022-ci ilə nisbətən yuvarlaq olaraq 25% böyüyüb.

ABC.AZ xəbər verir ki, Azərbaycanda telekommunikasiya və poçt sahəsində tənzimləyici qurum olan Kommunikasiya Texnologiyaları Agentliyinin (İKTA) illik hesabatına əsasən, bu sahədə inkişafın əsas səbəbi elektron alış-verişə marağın artması olub.

İKTA-nın məlumatında qeyd olunur ki, Azərbaycanda poçt rabitəsi xidmətinə olan marağın artmasını ötən il ərzində açılan yeni poçt obyektlərinin sayında da müşahidə etmək olar:

“Belə ki, 2023-cü ildə sürətli poçt xidməti üzrə 164 ədəd lisenziya (lisenziya əlavəsi) verilib. Bununla da, ümumilikdə qeyd olunan xidmət üzrə verilən lisenziyaların saylı 413-ə çatıb”.