Azərbaycanda gəlirlər 4,5 faiz, qiymətlər isə 0,4 faiz artıb - DSK

14:35 - 15.04.2024


15 aprel, Fineko/abc.az. Azərbaycanda əhalinin nominal gəlirləri 2024-cü ilin I rübündə illik 5 faiz artaraq 19 mlrd. 408.1 manat təşkil edib.

ABC.AZ Dövlət Statistika Komitəsinə istinadən xəbər verir ki, əhalinin hər nəfərinə düşən nominal gəlirlər illik 4.5 faiz artaraq 1 905.4 manat təşkil edib.

2024-cü il 01 mart vəziyyətinə görə əhalinin sayı 10 milyon 187.5 min nəfər olub.

2024-cü ilin mart ayında istehlak qiymətləri indeksi 2023-cü ilin mart ayına nisbətən 0.4 faiz artım, o cümlədən qida məhsulları, içkilər və tütün məmulatları üzrə 1.1 faiz azalma, qeyri-qida məhsulları üzrə 1.1 faiz artım, əhaliyə göstərilmiş ödənişli xidmətlər üzrə 2.2 faiz artım olub.