"Baku Electronics" cərimə edilə bilər - Səbəb

11:44 - 23.04.2024


23 aprel, Fineko/abc.az. "Baku Electronics" barəsində ticarət qaydaları əleyhinə olan (Malların saxlanılması və ya satışı zamanı mal qonşuluğunun, temperatur rejiminin, yaxud satılmış malların dəyişdirilməsi və ya geri qaytarılması qaydalarının pozulması) inzibati xəta protokolu tərtib olunub.

ABC.AZ xəbər verir ki, protokol İnzibati Xətalar Məcəlləsinin 444.2-ci maddəsi ilə irəli sürülüb.

İnzibati Xətalar Məcəlləsinin 444.2-ci maddəsinə görə satılmış malların dəyişdirilməsi və ya geri qaytarılması qaydalarının pozulmasına görə altı yüz manatdan doqquz yüz manatadək məbləğdə cərimə edilir.

İş Bakı Şəhər Nərimanov Rayon məhkəməsində Gültəkin Əsgərovanın icraatındadır.

Məhkəmə ilə əlaqəli baxış iclası 2 may 2024-cü il, saat 09:30-a təyin edilib.