11:21 - 29.04.2024

---

29 aprel, Fineko/abc.az. Sinqapurun Çangi hava limanında dünyanın ilk sıfır emissiya oteli olan Hotel Indigo Changi Airport, eləcə də şəhər dövlətində analoji konsepsiyanın ilk oteli açılacaq. Açılış 2028-ci ildə planlaşdırılır.

ABC.AZ xəbər verir ki, yeni 255 otaqlı oteldə damda gündüz klubu, bar və hovuz tikiləcək, burada uçuş-enmə zolağına, şəhər mənzərəsinə və Jewel kompleksinə panoramik mənzərələr təqdim olunacaq.

Layihənin başqa bir fərqləndirici xüsusiyyəti “Floating Forest” ("üzən meşə"), yeddi mərtəbəli tropik meşə və binanın fasadından asılmış epifitlərdir (havadan nəm alan bitkilər).

Oteldə zərərli emissiyaların sıfır səviyyəsinə günəş panelləri, hibrid soyutma sistemləri, təbii havalandırma dəhlizləri və yağış suyu toplama texnologiyası ilə nail olunacaq.