16:23 - 1.05.2024

---

1 may, Fineko/abc.az. 2024-cü ilin yanvar-mart ayları ərzində xarici ölkələrdən Azərbaycana 513,5 min nəfər əcnəbi vətəndaş gəlib.

ABC.AZ Dövlət Statistika Komitəsinə istinadən xəbər verir ki, Azərbaycana ən çox  vətəndaşı gələn ölkə isə 147,4 min nəfərlə Rusiya olub.

Türkiyə 98,9 min nəfərlə ikinci, İran 52,9 min nəfərlə 3-cü pillədə qərarlaşıb.

Cari ilin ilk üç ayı ərzində 37,1 min nəfər Hindistan vətəndaşı qəbul edilib.

Qonşu Gürcüstandan gələn vətəndaşların sayı isə 24,7 min nəfər təşkil edib.

Səudiyyə Ərəbistanından gələnlərin sayı 12,4 min nəfər, Pakistandan gələnlərin sayı 12,3 min nəfər, Birləşmiş Ərəb Ərəb Əmirliklərindən gələnlərin sayı 10,5 min nəfərə yaxın olub.

Ən az əcnəbi isə Suriya (139 nəfər), Norveç (308 nəfər) və İsveçrə vətəndaşları (343 nəfər) olub.