AİB daşqınlarla bağlı Qazaxıstana bu qədər vəsait ayırıb

10:11 - 16.05.2024


16 may, Fineko/abc.az. Avrasiya İnkişaf Bankı (AİB) Qazaxıstandakı daşqının nəticələrinin aradan qaldırılmasına 1 milyon dollar ayırıb.

ABC.AZ xəbər verir ki, AİB həmçinin iyun ayında Alma-Atada illik toplantı və biznes forumunun qısaldılmış formatda təşkili barədə qərar qəbul edərək, imic tədbirlərini istisna etdi.

Bundan əvvəl Qazaxıstan hakimiyyəti daşqının nəticələrinin aradan qaldırılması üçün lazım olan xərclərə qənaət etmək üçün bəzi böyük tədbirlərin keçirilməsindən imtina etdiyini elan etmişdi.

Ölkə prezidenti Kasım-Jomart Tokayevin sözlərinə görə, mart ayında başlayan daşqınlar respublika üçün son 80 ilin ən böyük təbii fəlakətinə çevrilib.