12:01 - 16.05.2024

---

16 may, Fineko/abc.az. Rusiya prezidenti Vladimir Putin və ÇXR Sədri Si Tsinpinin danışıqları başa çatıb.

ABC.AZ xəbər verir ki, danışıqlardan sonra dövlət başçıları hərtərəfli tərəfdaşlıq və strateji qarşılıqlı əlaqələrin dərinləşdirilməsi barədə Birgə Bəyanat imzaladılar. Sənəd hələ dərc olunmayıb. Ümumilikdə iki ölkə arasında əməkdaşlığa dair 10 sənəd imzalanıb.

Sənəddə "ikitərəfli münasibətlərin xüsusi xarakteri" qeyd olunub və "ikitərəfli əlaqələrin bütün kompleksinin inkişaf yolları" göstərilib, ədalətli və demokratik nizamın formalaşmasında Rusiya və Çinin aparıcı rolu təsdiqlənib".

Vladimir Putinin Pekinə dövlət səfəri mayın 16-dan 17-dək davam edəcək.