“Xaliq Faiqoğlu” MMC qanunsuz reklam fəaliyyətinə görə cərimələndi

17:07 - 20.05.2024


20 may, Fineko/abc.az. “Xaliq Faiqoğlu” MMC-yə iqtisadi fəaliyyət qaydaları əleyhinə olan (Reklam haqqında qanunvericiliyin pozulması) inzibati xəta protokolu tərtib olunub.

ABC.AZ xəbər verir ki, protokol İnzibati Xətalar Məcəlləsinin 428.5-ci maddəsi ilə irəli sürülüb.

İnzibati Xətalar Məcəlləsinin 428.5-ci maddəsinə əsasən, müvafiq icra hakimiyyəti orqanının razılığı olmadan və ya nəqliyyat vasitələrində reklamın yerləşdirilməsi qaydaları pozulmaqla nəqliyyat vasitələrində reklamın yayılmasına görə fiziki şəxslər 30 manatdan 50 manatadək məbləğdə, vəzifəli şəxslər 150 manatdan 200 manatadək məbləğdə, hüquqi şəxslər 1500  manatdan 2000 manatadək məbləğdə cərimə edilir.

İşə Yasamal Rayon Məhkəməsində hakim Mirsadiq Seyidovun təyin edilib.