10:08 - 29.05.2024

---

29 may, Fineko/abc.az. “İşgüzar Kredit İttifaqı” MMC 2023-cü ili 5 129 manat xalis zərər ilə başa vurub. İttifaq 2022-ci ili 4 991 manat xalis zərər ilə bağlanıb ki, bu da illik müqayisədə zərərin 3% artması deməkdir. 

ABC.AZ xəbər verir ki, bu barədə şirkətin maliyyə hesabatında qeyd edilib. 

2022-ci ildə İttifaqın gəlirləri 10 443 manat ikən, ötən il 8 868 manat (15% azalma) olub, inzibati xərcləri isə 15 434 manatdan 13 997 manata düşüb.

31 Dekabr 2023-cü il tarixində “İşgüzar Kredit İttifaqı” 69 284 manat cəmi aktivlərə malik olub ki, bu da 39% çoxdur.

Xatırladaq ki, “İşgüzar Kredit İttifaqı” 2010-cu ildə yaradılıb, nizamnamə kapitalı 4 min manatdır və qanuni təmsilçisi Zöhrab Hacıyevdir.