10:44 - 29.05.2024

---

29 may, Fineko/abc.az. ABŞ-da daşınmaz əmlak şirkətinin sahibi olan iş adamı Larri Konnor və “Triton Submarines” adlı gəmiçilik şirkətinin həmtəsisçisi Patrick Lahey “Titanik”in qəzasını araşdırmaq üçün sualtı qayıqla səyahət etmək niyyətindədir.

ABC.AZ xarici mətbuata istinadən xəbər verir ki, ikili Şimali Atlantik Okeanında batan gəmini görmək üçün təxminən 3800 metr dərinliyə enə bilən sualtı qayığı götürmək istədiklərini deyir.

Ötən il “OceanGate” şirkətinin inşa etdiyi sualtı qayıq “Titanik”ə gedərkən partlayıb və qəza nəticəsində 5 nəfər həlak olub.

“Connor” şirkətinin sözçüsü çərşənbə axşamı bildirib ki, səyahət yalnız gəminin dəniz qurumu tərəfindən tam təsdiqindən sonra baş tutacaq.