Cəlilabadda yetişdirilən kartofun 30 min tondan çoxu xarici bazarlara göndərilib

15:37 - 7.06.2024


7 iyun, Fineko/abc.az. Cəlilabad rayonunda bir aydan çoxdur ki, sahələrdə yetişdirilən kartof məhsulunun yığımı davam edir. Fermerlər bildiriblər ki, məhsul Rusiya bazarları ilə yanaşı, Gürcüstan, Moldava və Ukraynaya da ixrac olunur.

ABC.AZ xəbər verir ki, hazırda kartofun kiloqramı onlardan 40-60 qəpiyə alınır.

Fermerlər qeyd edib ki, məhsulun alış qiyməti bu il normaldır.

Cəlilabad Rayon Dövlət Aqrar İnkişaf Mərkəzindən bildirilib ki, bu günə qədər təsərrüfatlarda istehsal olunan 38 min tondan çox məhsulun 30 mindən çoxu xarici bazarlara göndərilib.

Qeyd edək ki, bu il Cəlilabad rayonunda 3 min hektar sahədə kartof əkilib.