09:45 - 11.06.2024

---

11 iyun, Fineko/abc.az. Ötən gün ciddi yüksəlişdən sonra çərşənbə axşamı baş tutan hərracda etalon markaların qiyməti cüzi düşür.

London ICE Futures birjasında Brent markalı neftin avqust fyuçerslərinin qiyməti 09:42-ə qədər $0,11 (0,13%) azalaraq bir barel üçün $81,52-a düşüb. İyunun 10-da keçirilən hərracların nəticələrinə görə, Brent markalı neftin avqust fyuçersləri bir barel üçün $2,01 (2,52%) artaraq $81,63-a çatıb.

Nyu-York əmtəə birjasının (NYMEX) elektron ticarətində WTI neftinin iyul fyuçerslərinin qiyməti 09:42-ə qədər $0,05 (0,06%), bir barel üçün $77,69-a düşdü. 10 iyun ticarətinin nəticələrinə görə, WTI neftinin iyul fyuçerslərinin dəyəri $2,21 (2,93%) artaraq bir barel üçün $77,74-a yüksəldi.