Mərkəzi Bank "e-manat"la bağlı qərar verdi

16:59 - 11.06.2024


11 iyun, Fineko/abc.az. Mərkəzi Bankın İdarə Heyətinin 5 iyun 2024-cü il tarixli Qərarı ilə “Modenis” MMC-yə elektron pul təşkilatı fəaliyyətini həyata keçirmək hüququ verən müddətsiz lisenziya verilib.

ABC.AZ xəbər verir ki, bu barədə Mərkəzi Bankdan bildirilib. Mərkəzi Banka ödəniş xidmətlərinin göstərilməsi üçün lisenziyanın əldə edilməsinə dair müraciət etmiş digər təşkilatların qiymətləndirilməsi hazırda davam edir. Ödəniş xidmətlərinin həyata keçirilməsi üzrə verilən lisenziyalarla bağlı məlumatlar Mərkəzi Bankın internet səhifəsi vasitəsilə açıqlanır.

“Modenis” MMC “Modern” Şirkətlər Qrupuna daxildir.