16:15 - 24.06.2024

---

24 iyun, Fineko/abc.az. 2024-cü ilin may ayında Çin Rusiyadan uran və digər radioaktiv birləşmələri 233 milyon dollara idxal edib ki, bu da 2015-ci ildən etibarən statistikanın aparıldığı bütün dövrdə maksimum dəyərə çevrildi.

ABC.AZ xəbər verir ki, 2024-cü ilin 5 ayı ərzində Pekin Moskvadan uran və digər elementləri 311 milyon dollara satın almışdı.

2024-cü ilin aprel-may ayları arasında tədarük həcmi 3,4 milyon dollardan 70 dəfə artmışdır.

Ən çox may ayında ÇXR zənginləşdirilmiş uran alıb (231,5 milyon dollarlıq).

Qalan birləşmələr 1,4 milyon dollar təşkil edib.

Rusiya zənginləşdirilmiş uran, digər birləşmələrdən fərqli olaraq Çinə hər ay göndərilmir.

Ümumilikdə, 2023-cü ilin nəticələrinə görə, Rusiya Çinə 440 milyon dollar dəyərində radioaktiv elementlər tədarük edib, bunun 418 milyon dolları zənginləşdirilmiş uranın payına düşüb.