14:34 - 27.06.2024

---

27 iyun, Fineko/abc.az. Azərbaycanda 25 milyon dollarlıq sabah fondu yaradılacaq.

ABC.AZ xəbər verir ki, bunu jurnalistlərə açıqlamasında Sabah HUB İnnovasiya mərkəzinin direktoru Rəhim Bayramlı deyib.

O qeyd edib ki, Fondun məqsədi Azərbaycanda və Cənubi Qafqazda, Mərkəzi Asiyada startapları yatırımlarla təmin etməkdir. Düşünürük ki, 100-500 min dollar civarında yatırımlar etməkdir. Yaxın dörd il ərzində bölgədə 50-60 startapa investisiya yatırmağı düşünürük”.

İşğaldan azad edilmiş ərazilərdə həyata keçirilməsi planlaşdırılan layihələrə gəlincə, o qeyd edib ki, həmin ərazilərdə də layihələrin həyata keçirilməsi planlaşdırılır:

“İnsanlar haradadırlarsa, bacarıqlar haradadırsa, biz də eko sistem olaraq orada olacağıq. Yaxın zamanda Qarabağ universiteti fəaliyyətə başlayacaq. Orada olan sahibkarlar tələbələrin startapları da əlbəttə ki, bizə maraqlı olacaq". (Apa)