14:59 - 28.06.2024

---

28 iyun, Fineko/abc.az. “Bybit Fintech” tərəfindən idarə olunan kriptovalyuta birjası ticarət həcminə görə dünyada ikinci yerə yüksəlib.

ABC.AZ xəbər verir ki, bu barədə “Bloomberg” yazıb.

Qeyd edilir ki, “Bybit”in ticarət həcmindəki payı oktyabr ayından bəri iki dəfə artaraq 16%-ə çatıb, bu da ona mart ayında ABŞ lideri “Coinbase”i keçməyə kömək edib.

Hal-hazırda “Bybit” ticarət həcminə görə yalnız “Binance Holdings”dən geri qalır.

Şirkətin həmtəsisçisi və baş direktoru Ben Zhou “Bloomberg”ə verdiyi müsahibədə “Bybit”in böyüməsinin “FTX”in buraxdığı boşluğu oldurması ilə əlaqəli olduğunu söyləyib.