11:19 - 3.07.2024

---

3 iyul, Fineko/abc.az. Teslanın qlobal satışları azalıb.

ABC.AZ xəbər verir ki, satışların azalması şirkətin məhsullarına və ümumilikdə elektromobillərə tələbatın zəiflədiyinə daha bir işarədir.

Ostin, Texasda yerləşən şirkət apreldən iyun ayına qədər 443,956 avtomobil satdığını açıqlayıb. Bu göstərici ötən ilin eyni dövrü ilə müqayisədə 4,8% azdır.

Bu satış azalması Teslanın aprel ayında ABŞ-dakı beş modelindən üçünün qiymətlərini 2 000 dollar aşağı salmasına baxmayaraq baş verdi.  Şirkət Tesla-nın ən populyar modeli və ABŞ-da ən çox satılan elektrik avtomobili olan Model Y-nin, həmçinin Model X və S-in qiymətlərini aşağı salıb.

İlin birinci yarısında Tesla dünya üzrə 830 766 elektrikli avtomobil sataraq Çinin BYD şirkətini geridə qoyub.