17:10 - 3.07.2024

---

3 iyul, Fineko/abc.az. Bir müddət öncə ətin qiyməti ilə bağlı müxtəlif fikirlər səsləndirilirdi. Onlardan biri də Qurban bayramından sonra mal və qoyun ətinin ucuzlaşmasıyla abğlı idi. Bəs hazırda vəziyyət necədir? Qiymətlərin ucuzlaşması gözlənilirmi?

ABC.AZ xəbər verir ki, sözügedən məsələ barədə iqtisadiyyatçı Akif Nəsirli “Yeni Sabah”a açıqlama verib.

Ekspert bu sahədə sabitlik olduğunu vurğulayıb:

“Hazırda ətin qiyməti Qurban bayramı günlərinə nisbətən ucuzlaşıb. Məsələn, bayramda qoyun ətinin kiloqramı 21-22 manat idisə, artıq 19-19,5 azn, mal əti isə 14-15 manata qədər düşüb. Bu məcrada ətin qiymətlərində sabitləşmə müşahidə olunur. Hesab edirəm ki, yay ayları olduğu üçün, həmçinin, qarşıdan Məhərrəm ayı gəlir deyə, ətin qiyməti sabit olaraq qalacaq”.