17:15 - 5.07.2024

---

5 iyul, Fineko/abc.az. Əmlak Məsələləri Dövlət Xidməti tərəfindən avqustun 6-da təşkil olunacaq hərraca dövlət müəssisəsi çıxarılacaq.

ABC.AZ xəbər verir ki, hərraca  İqtisadiyyat Nazirliyi yanında Əmlak Məsələləri Dövlət Xidməti, “Korporativ İdarəetmənin Təşkili və Koordinasiya Mərkəzi”nə tabe olan "Bakı Beton Konstruksiyaları" MMC çıxarılacaq.

Sözügedən müəssisə Bakı şəhəri, Suraxanı rayonu, Zığ-Aeroport magistral yolunun 11-ci km-i ünvanında yerləşir.

Hərracda ilkin satış qiyməti 8 200 000 manat müəyyən edilib.

İştirak etmək istəyənlər emlak.gov.az saytından və ya privatization.az saytından hərraca çıxarılan dövlət əmlakı üzrə seçim edə bilər.