14:25 - 12.07.2024

---

12 iyul, Fineko/abc.az. Səudiyyəli turistlər üçün Azərbaycana uçuşlar 31%-dən çox ucuzlaşıb

Səudiyyə Ərəbistandan Azərbaycana gələn səyahətçilər üçün aviabiletlər bu yay ötən ilin eyni dövrü ilə müqayisədə 31,4 % ucuzlaşıb.

ABC.AZ xəbər verir ki, bu barədə səyahət üzrə axtarış mühərriki olan “Wego” platforması məlumat yayıb.

Bildirilib ki, bu il bir çox məşhur Avropa istiqamətlərinə də səudiyyəli turistlər üçün səyahət qiymətləri aşağı enib. Ən böyük endirim Böyük Britaniyaya uçuşlar üçün 22,5 % səviyyəsində olub.

Məlumata görə, səudiyyəli turistlər rahatlığı üstün tuturlar və Avropadakı hotel rezervasiyalarının 66,6 %-ni 4 və 5 ulduzlu hotellər təşkil edir. Bu hotel seçimləri keçən ildən bəri əhəmiyyətli dərəcədə dəyişməyib.

Səudiyyəli səyahətçilərin Avropa ölkələri arasında ən çox seçilən məkan Böyük Britaniyadır və bu, bütün Avropa üzrə rezervasiyaların 18,3 %-ni təşkil edir. Böyük Britaniyanın ardınca Gürcüstan gəlir və ümumi rezervasiyaların 14,9 %-ni təşkil edir.