16:29 - 12.07.2024

---

12 iyul, Fineko/abc.az. “Tesla” robotaksi təqdimatını 2024-cü ilin oktyabrına qədər təxirə salıb.

ABC.AZ xarici mətbuata istinadən xəbər verir ki, bu barədə “Bloomberg” yazıb. Qeyd edilib ki, şirkət daha çox prototip yaratmaq istəyir.

Robotaksislərin işə salınması İlon Mask üçün prioritet olsa da, milyarder təqdimatı oktyabra kimi təxirə salıb. Bundan əvvəl isə təqdimatın avqustun 8-ə olacağı açıqlanmışdı.

Təqdimat oktyabr ayında keçirilsə belə, bu, avtomobilin tez bir zamanda satışa çıxacağına zəmanət vermir. Məsələn, 2019-cu ildə “Cybertruck” elektrik pikapı təqdim edilmişdi, satışlar isə 2023-cü ilin noyabr ayının sonunda başlamışdı.

Müəllif: Elmir Murad