11:16 - 18.07.2024

---

18 iyul, Fineko/abc.az. Cari ilin yanvar-iyun aylarında Azərbaycan 20 ölkəyə ümumilikdə 7 milyard dollar dəyərində 11,1 milyon ton neft ixrac edib.

ABC.AZ Dövlət Gömrük Komitəsinə istinadən xəbər verir ki, hesabat dövründə ən çox neft İtaliyaya ixrac edilib.

Məlumata əsasən bu ölkəyə ixrac edilən neftin dəyəri 2,7 milyard dollar, miqdarı isə 4,3 milyon ton təşkil edib.

İkinci pillədə İsrail qərarlaşıb. Məlumata görə bu ölkəyə 989 milyon dollarlıq 1,6 milyon ton neft ixrac edilib.

Üçüncü yerdə isə 567,8 milyon dollar dəyərində 891,9 milyon ton göstərici ilə Hindistan gəlir.

Ən az ixracın edildiyi ölkə isə 434 min dollarlıq 893 ton göstərici ilə Özbəkistan olub.

Müəllif: Elmir Murad