15:59 - 18.07.2024

---

18 iyul, Fineko/abc.az. Dövlət Neft Fondu (ARDNF) 2023-cü il üzrə maliyyə hesabatını açıqladı və zərərdən mənfəətə keçdiyi məlum olub.

ABC.AZ xəbər verir ki, ARDNF 2023-cü ildə 8 milyard 309 milyon manat xalis mənfəət əldə edib. Halbuki, bu 2022-ci ildə 5 mlrd. 366 mln. manat zərər etmişdi.

ARDNF-nin faiz gəliri 2023-cü ildə 176.25 milyon manat olub ki, 2022-ci ildəki 71.45 milyon manatı 104.80 milyon manat və ya 146.66% üstələyir.

Səhmlər üzrə investisiyalardan illik müqayisədə 1.39 milyard manat və ya 66.51% artımla 3.48 milyard manat gəlir əldə edib.

Qızıldan gəliri 2023-cü ildə 1.73 milyard manat olmaqla 2022-ci ildə ki 87.91 milyon manatı 1.64 milyard manat və ya 19 dəfə üstələyib.

Bununla da ARDNF-in hesabat müddəti üzrə ümumi əməliyyat mənfəəti 8.15 milyard manat olub. Öncəki ildə 4.95 milyard manat zərər idi.

Əməliyyat xərcləri 2023-cü ildə 76.55 milyon manat (illik: +2.12%) olub.