10:35 - 23.07.2024

---

23 iyul, Fineko/abc.az. 2 avqust 2024-cü il saat 11:00-da “Bakı Hərrac Mərkəzi”ndə hərrac keçiriləcək.

ABC.AZ xəbər verir ki, hərraca Əmanətlərin Sığortalanması Fondunun ləğvetməsində olan “Texnikabank” ASC-nin balansındakı daşınmaz əmlak çıxarılacaqdır.

Daşınmaz əmlak Bakı şəhəri, Xətai rayonu, Babək prospekti 12A, blok B, 6-cı mərtəbə, qapı 1 ünvanında yerləşən ü/s 111,5 kv.m olan qeyri-yaşayış sahəsidir (1 saylı).

Daşınmaz əmlakın ilkin satış qiyməti 245 000 manatdır.

Satış qiymətinin 5%-i həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir.

Açıq hərracda iştirak etmək üçün lazımi sənədlər: F/Ş şəxsiyyət vəsiqəsi, H/Ş təsis sənədləri.