11:20 - 26.07.2024

---

26 iyul, Fineko/abc.az. Rusiyanın kuryer xidmətləri şirkəti СДЭК 2024-cü ilin sonu – 2025-ci ilin əvvəlində Marketplace və fiziki şəxslər üçün iri həcmli malların çatdırılmasına başlayacaq. Birinci mərhələdə Xidmət Moskva və Moskva bölgəsində mövcud olacaq.

ABC.AZ xəbər verir ki, çatdırılma müddəti göndərənin və alıcının yerləşdiyi ünvandan asılı olacaq. Şəhər daxilində kuryer sifarişi aldıqdan bir gün sonra müştəriyə çatdıracaq. İlk mərhələlərdə yüklər qapıdan qapıya çatdırılacaq, gələcəkdə СДЭК anbarından qapıya qədər seçimdən istifadə etmək imkanı olacaq.

İri həcmli yüklərin daşınması üçün adi bağlamalarla eyni məhdudiyyətlər tətbiq ediləcəkdir (qadağan olunmuş yüklər, müəyyən təhlükə siniflərinə aid yükləri, süzülən və tökülən yüklər və s.).