17:22 - 26.07.2024

---

26 iyul, Fineko/abc.az. “Türk Hava Yolları” Farnboro hava sərgisində yeni biznes sinifi təqdim edib. Crystal Business Class, daşıyıcının Airbus A350-də transkontinental uçuşlarında, həmçinin Boeing 777 təyyarələrinə daxil etməyi planlaşdırır.

ABC.AZ xəbər verir ki, yeni salon, ayaqlar üçün genişlənmiş yer ilə eni 58 sm olan oturacaqlarla təchiz olunmuşdur. Hər yerin  öz qapısı var.

Bundan əlavə, sərnişinlərin rahatlığı üçün tənzimlənən işıqlandırma və oxu lampaları, universal rozetka, şarj cihazları, 22 düymlük IFE ekran, səs-küyü ləğv edən qulaqlıq üçün yuva, güzgü və oturacaq arxası yastığı var.

Kreslolar Türk istehsalı olan yumşaq dəri və parçalardan istifadə edərək “TCI Aircraft Interiors” şirkəti tərəfindən hazırlanmışdır. Salon açıq rənglərlə bəzədilib, masalar çəhrayı və qızılı rəngli mərmər səthə malikdir.

Bundan əvvəl daşıyıcı müştərilərə 2025-ci ilin sonuna qədər öz laynerlərində pulsuz limitsiz Wi -Fi təqdim etmək planlarını açıqlamışdı.