15:55 - 1.08.2024

---

1 avqust, Fineko/abc.az. Almaniyanın avtomobil istehsalçısı Bayerische Motoren Werke AG (BMW) gəlirlərdə cüzi azalma ilə 2-ci rübdə xalis mənfəətdə 9% azalma qeydə alıb.

ABC.AZ xəbər verir ki, hesabata görə, aprel-iyun aylarında xalis mənfəət, əvvəlki ilin eyni dövründəki 2,96 milyard avro ilə müqayisədə 2,71 milyard avro olub.

BMW, MINI və Rolls-Royce avtomobillərinin satışları ötən rübdə 1,3% azalaraq 618,743 minə çatıb. Elektromobillərin satışı 22,2% artaraq 107,925 min ədədə çatıb.

BMW motosikletlərinin satışları 2,6% artaraq 66,64 min ədədə çatıb.

Cümə axşamı ticarət zamanı şirkətin səhmləri 2,6% dəyər itirir. Bu ilin əvvəlindən onların dəyəri 17% azalıb.