16:49 - 1.08.2024

---

1 avqust, Fineko/abc.az. Xorvatiya rəsmi olaraq Avropa Komissiyasına (AK), eləcə də Macarıstan və Slovakiyaya JANAF Adriatik neft kəməri vasitəsilə iki ölkəni neftlə təmin etməyə hazır olduğunuı bildirib.

ABC.AZ xəbər verir ki, bu barədə Xorvatiyanın Baş naziri Andrey Plenkoviç Nazirlər Kabinetinin iclasında bildirib.

O, AK sədri Ursula fon der Ləyenə, Macarıstan və Slovakiya hökumət başçıları Viktor Orban və Robert Fitsoya müvafiq məktublar göndərdiyini bildirib.

"Adriatik neft kəmərinin (JANAF) operatoru bir şirkət olaraq [Macarıstan enerji mərkəzi] MOL ilə logistika və dəyişən şəraitdə enerji təhlükəsizliyinin təmin edilməsi ilə bağlı danışıqlar aparmağa hazırdır", - Xorvatiyanın Baş naziri bunu deyib.