12:38 - 6.08.2024

---

6 avqust, Fineko/abc.az. Çində ilk dəfə İlon Maskın nə vaxtsa danışdığı hiperlup prototipi sınaqdan keçirilib. Superkeçirici maqnitlərlə maqnit yastıq üzərində qatar ilk dəfə aşağı vakuum tunelindən keçərək müəyyən edilmiş parametrlərə görə hərəkət, sürətlənmə və əyləc imkanlarını nümayiş etdirib. 

ABC.AZ xəbər verir ki, sınaq Çin Aerokosmik Elm və Sənaye Korporasiyası (CEFIC) tərəfindən 2 km uzunluğunda bir sınaq stendində aparılmışdır. Gələcəkdə qatarın sürəti saatda 1000 km olacaq.

Qatarın saatda təxminən 1000 km sürətə çatması üçün aşağı atmosfer təzyiqi olan bir boruda —aşağı vakuum şəraitində hərəkət edəcək.
Bu gün Pekindən Şanxaya ən sürətli qatarla (329 km/saat) 3 saat 58 dəqiqəyə çatmaq olar. Aşağı vakuum borusunda qatar sərnişinləri bu marşrutla təxminən 1 saat 30 dəqiqəyə çatdıracaq.