15:30 - 6.08.2024

---

6 avqust, Fineko/abc.az. On minlərlə britaniyalı təqaüdçü bu qış maliyyə çətinlikləri ilə üzləşə bilər.

ABC.AZ The Guardian qəzetinə istinadən xəbər verir ki, bunun səbəbi Birləşmiş Krallığın yeni maliyyə naziri Reyçel Rivsin soyuq aylarda evlər üçün yanacaq almaq üçün ödənişləri məhdudlaşdırmaq qərarı ola bilər.

Söhbət müəyyən maliyyə meyarlarına cavab verdikləri təqdirdə 1958-ci ilə qədər doğulan insanlar üçün 100 funt sterlinqdən 300 funt sterlinq ($130 - $390) həcmində ödənişlərdən gedir. Qiymətləndirmələrə görə, vəsait ayrılarkən yoxlamaların sərtləşdirilməsi İngiltərə və Uelsdəki təxminən 130 min təqaüdçünün evlərini qızdırmaq üçün bu pulu almamasına səbəb ola bilər.