15:41 - 7.08.2024

---

7 avqust, Fineko/abc.az. Almaniyanın kimya nəhəngi “Bayer”, ötən il ilə müqayisədə, tərkibində pestisid qlifosat olan məhsulun satışını xeyli artırıb. 

ABC.AZ xəbər verir ki, şirkət nümayəndəsinin sözlərinə görə, bu məhsullar ucuzlaşıb. Baş dierktor Bill Anderson mart ayında “Bayer”in qlifosata alternativ üzərində işlədiyini demişdi. Onun sözlərinə görə, yeni maddə artıq zavodlarda sınaqdan keçirilir və 2028-ci ildə bazara çıxarılmalıdır.

Bu ilin birinci yarısında şirkətin bütün məhsullarının satış həcmi 24,9 milyard avro təşkil edib ki, bu da əvvəlki ilə nisbətən 2,1% azdır (25,4 milyard avro). İlin ilk altı ayında “Bayer” təxminən 2 milyard avro mənfəət əldə edib ki, bu da 2023-cü ilin birinci yarısında qeydə alınan 291 milyon avrodan xeyli çoxdur.