09:59 - 8.08.2024

---

8 avqust, Fineko/abc.az. İkinci rübdə çiplərin qlobal satışları ötən ilin eyni dövrünə nisbətən 18,3% artaraq 149,9 milyard dollar təşkil edib.

ABC.AZ xəbər verir ki, bu, Yarımkeçirici Sənaye Birliyinin (SIA) press-relizində bildirilir. Bu ilin birinci rübü ilə müqayisədə bu göstərici 6,5% artıb.

"Qlobal yarımkeçirici bazar ikinci rübdə güclü olaraq qalırdı, rüblük müqayisədə satışlar 2023-cü ilin dördüncü rübündən etibarən ilk dəfə artıb", - deyə SİA prezidenti və baş icraçı direktoru Con Nyufer bildirib.
İyun ayında dünya çiplərinin tədarükü 50 milyard dollar təşkil edib. Bu, ötən ilin eyni ayı üçün göstəricidən 18,3%, cari ilin may ayına nisbətən isə 1,7% çoxdur.