10:34 - 8.08.2024

---

8 avqust, Fineko/abc.az. Macarıstan “MOL” şirkətinin bir hissəsi olan Slovakiyanın neft emalı şirkəti “Slovnaft”, neftin bir hissəsinin Rusiyadan Ukrayna üzərindən tranziti ilə bağlı problemi həll edir. 

ABC.AZ xəbər verir ki, bu barədə şirkətdən bildirilib.

 "Slovnaft və MOL qrupu, dövlətlərin (Slovakiya və Macarıstan) nümayəndələri ilə birlikdə problemin həlli üzərində işləyirlər ki, neftin daşınmasına uzunmüddətli zəmanət verilsin", — Slovakiya portalı Standard şirkətin bəyanatına istinadən bildirib.
Şirkət "Slovakiya və bölgə üçün bu kritik dövrdə əvəzedici neft tədarükünü təmin etmək üçün maksimum səy göstərdiklərini" qeyd edib və bunu qısamüddətli bir həll adlandırıb.