12:07 - 8.08.2024

---

8 avqust, Fineko/abc.az. Qlobal neft bazarında aviasiya sektoru istehlak baxımından ən davamlı sektorlardan biri olaraq qalır. Çində, kovid məhdudiyyətlərindən sonra daxili səyahətlər xarici səyahətlərə nisbətən daha sürətlə bərpa olundu, lakin beynəlxalq uçuşlarda da artım gözlənilir.

ABC.AZ xəbər verir ki, bu barədə Bloomberg yazır.

Londonda yerləşən “Energy Aspects”in analitiki Jianan San, deyib: “2024-cü ilin sonuna qədər 2019-cu il səviyyəsinin 90%-ə çatacaq xarici sərnişin uçuşlarının daha da genişlənəcəyini proqnozlaşdırırıq”. 

San bildirib ki, Çində hava yanacağına tələbat 2024-cü ildə orta hesabla 960 min ola bilər ki, bu da 2019-cu ildəkindən cəmi 2% aşağıdır.
Goldman Sachs Group-a görə, qlobal səviyyədə hava yanacaqlarına tələbatı bərpa etmək üçün daha çox imkanlar var. Hal-hazırda, qlobal sərnişin sayı təxminən 2019 səviyyəsinə çatsa da, təyyarə yanacağı istehlakı hələ də pandemiyadan əvvəlki səviyyədən 1,2 milyon b/s və ya 15% aşağıdır. Qismən bu, yeni təyyarələrin uçuş ərzində daha az yanacaq yandırması ilə bağlı ola bilər.