15:12 - 8.08.2024

---

8 avqust, Fineko/abc.az. “Türk Hava Yolları” qlobal şəbəkəsini genişləndirməyi planlaşdırır: daşıyıcı doqquz ölkədə cədvələ 11 yeni istiqamət əlavə edəcək.

ABC.AZ xəbər verir ki, tezliklə Türkiyə daşıyıcısının sərnişinləri birbaşa İstanbuldan Çilidəki Santyaqoya, Səudiyyə Ərəbistanındakı Abhuya, Misirdəki Asvan və Somalidəki Hargeisuya, Sudandakı Port Sudana uça biləcəklər. Bundan əlavə, Pakistanın Sialkot şəhəri aviaşirkətin marşrut şəbəkəsinə əlavə ediləcək.

Avropa bölgəsində daşıyıcı İspaniyanın La Corunja, Fransanın Nantes və Polşanın Katovice şəhərlərinə uçuşlar təşkil edəcək. Qafqaz və Mərkəzi Asiyada “Türk Hava Yolları” Azərbaycanda Lənkəran və Qazaxıstanda Atırau şəhərlərinə uçuşlar həyata keçirəcək. Aviaşirkətin planlarında Mahaçqala reyslərinin də işə salınması var.