16:44 - 9.08.2024

---

9 avqust, Fineko/abc.az. Amerikanın “Apple” şirkəti 2024-cü ilin sonunda Mac Mini seriyasının ən kiçik masaüstü kompüterini buraxmağı planlaşdırır. 

ABC.AZ xəbər verir ki, yeni model süni intellekt (AI) funksiyaları olan M4 çipi ilə təchiz ediləcək. Kompüterin dizaynı yenilənəcək. Ölçüsünə görə model Apple TV cihazına bənzəyəcək, lakin kompüteri soyutma sistemi ilə tamamlamaq ehtiyacı səbəbindən daha uzundur. Kompüter korpusu əvvəlki versiyalar kimi alüminiumdan hazırlanacaq.

Qeyd olunur ki, Mac Mini modelinin qiyməti 599 dollardan başlayır.