15:03 - 12.08.2024

---

12 avqust, Fineko/abc.az. Fransada kartof məhsulu 2023-cü illə müqayisədə 12% artaraq 7,5 milyon tona çatacaq. 

ABC.AZ xəbər verir ki, artım sahələrin genişlənməsi ilə baş verəcək.  Məhsuldarlıq 3% azalacaq.
İlkin hesablamalara görə, məhsul 830 min ton artacaq. 2023-cü il də kartof üçün məhsuldar bir il olub. Fransanın kartof yetişdiriciləri emal sənayesi üçün xammal tələbinin kəskin artmasına reaksiya göstərdilər. Ölkədə yeni çips zavodları açılır. Əlavə miqdarda kartof lazımdır.

Tələbi ödəmək üçün Fransadakı fermerlər arasında reklam işə salınıb. Son iki ildə kartofun yüksək qiymətləri də fransız fermerləri arasında marağı artırıb.
Sahə 16% artaraq 178,4 min hektara çatıb. Fransa kartofunun təxminən üçdə ikisi şimal-qərbdə, Yuxarı de-Frans bölgəsində yetişdirilir.