09:50 - 13.08.2024

---

13 avqust, Fineko/abc.az.  17 sentyabr 2024-cü il tarixdə "Bank Respublika"ASC səhmdarlarının növbədənkənar ümumi yığıncağı  keçiriləcək. 

ABC.AZ Banka istinadla xəbər verir ki, gündəlikdəki məsələlər aşağıdakılardır:

1. İclasın sədrinin və katibinin təyin edilməsi.
2. İclasın gündəliyinin təsdiq edilməsi.
3. 2024-cü ilin birinci yarımili üzrə Kənar audit yoxlamasının nəticələri haqqında.
4. "Bank Respublika" ASC-də Müşahidə Şurasının tərkibinin təsdiq edilməsi haqqında.
Yığıncaq Bakı şəhəri, Xaqani küçəsi, 21 ünvanında yerləşən bankın Baş Ofisində keçiriləcək.

Qeyd edək ki, hazırda "Bank Respublika" ASC-da Müşahidə Şurasının sədri Şakir Rəhimov, Müşahidə Şurasının üzvləri Yohannes Meynhardt, Elçin Quliyev, İrina Şmidt və Steffan Karstendir. 
"Bank Respublika" ASC-nin İdarə Heyətinin sədri Tariyel İsmayılov, İdarə Heyəti sədrinin müavinləri Elnur Həsənov və Aslan Abasovdur.