11:35 - 13.08.2024

---

13 avqust, Fineko/abc.az. Moldovanın keçmiş Baş naziri Vasili Tarlev respublika hökumətinin RED Nord, FEE Nord və Termoelectrica iri enerji müəssisələrini satmaq planlarını dövlət maraqlarına xəyanət adlandırıb. 

ABC.AZ xəbər verir ki, onun fikrincə, elektrik enerjisinin istehsalı və paylanması ilə məşğul olan müəssisələr dövlət mülkiyyətində olmalıdır.
"Bu gün "Termoelectrica" müəssisəsi ətrafında baş verənlər xəyanət və Moldova dövlətçiliyini ləğv etmək cəhdidir. Enerji təhlükəsizliyi hər bir ölkə üçün həmişə çox mühüm strateji istiqamətdir", - deyə Tarlev bildirib.

Qeyd edək ki, Rumıniya şirkəti (AYİB həmtəsisçidir) artıq respublikanın qaz nəqli şəbəkəsini idarə edir. Oktyabr ayında Rumıniyanın Moldovanın Dunay çayındakı yeganə limanı olan Giurculesta limanını almaq üçün danışıqlar apardığı bildirilmişdi.