12:33 - 13.08.2024

---

13 avqust, Fineko/abc.az. “Roskachestvo”, halal məhsulların ixrac üçün sertifikatlaşdırılmasında inhisarını itirə bilər. İqtisadi İnkişaf Nazirliyi halal ixrac məhsulları üçün sertifikatlar verə biləcək Səlahiyyətli təşkilatların siyahısını genişləndirən bir əmr layihəsi hazırlayıb. İndi bununla, “Roskachestvo” nun törəmə şirkəti olan “Roskachestvo Halal” məşğul olur. 

ABC.AZ xəbər verir ki, eyni zamanda, əksər istehsalçılar Rusiyada deyil, birbaşa idxalçı ölkələrdə halal sertifikatlar alırlar. İqtisadi İnkişaf Nazirliyi hesab edir ki, Rusiyada Sertifikatlaşdırma təşkilatlarının sayının artması Rusiya ixracatçıları üçün proseduru asanlaşdıracaq və müsəlman ölkələrinə ərzaq tədarükünü artıracaq. Məsələ burasındadır ki, müstəqil sertifikatlaşdırma aparmağı üstün tutan idxalçı ölkələr belə bir təşəbbüsə necə münasibət göstərəcəklər. 
Qlobal halal məhsullar bazarı sürətlə böyüyür və 2024-cü ildə 1,38 trilyon dollara çata bilər. 

Rusiyanın bu məhsulların ixracı 2018-ci ildən 2023-cü ilə qədər 38% artıb. Rusiyanın əsas halal ixracatı quş əti, ikinci yeri qənnadı məmulatları, üçüncü yeri mal və quzu əti tutur.