10:59 - 15.08.2024

---

15 avqust, Fineko/abc.az. Avqustun 29-da "Bakı Hərrac Mərkəzi" MMC-də ləğv prosesində olan “AGBank” ASC-nin, sentyabrın 5-də isə ləğv prosesində olan "Texnika Bank" ASC-nin 5 daşınmaz əmlakın satışı üzrə hərraclar keçiriləcək.

Bu barədə ABC.AZ bankların ləğvedicisi - Əmanətlərin Sığortalanması Fonduna istinadla xəbər verir. 

Qeyd olunur ki, hərraca “AGBank”a məxsus Gəncə şəhəri, Nizami rayonu, Seyid Əzim Şirvani küçəsindəki dəyəri 200 min manat olan 312,4 kv.metrlik fərdi yaşayış evindən və "Texnika Bank"a məxsus Bakı şəhəri, Xətai rayonu, Babək prospekti, 12A ünvanındakı dəyəri 542 min manat olan 2 ədəd, yenə də həmin ünvandakı dəyəri 525 min manat və 505 min manat olan qeyri-yaşayış sahələri çıxarılır.