16:33 - 19.08.2024

---

19 avqust, Fineko/abc.az. Lodging Econometrics (LE) tərəfindən tərtib edilmiş 2024-cü il Avropa otellərinin tikintisinə investisiya trendləri hesabatına görə, bu il bölgədə 64,835 otaqlıq 418 otel istifadəyə veriləcək.

ABC.AZ xəbər verir ki, Böyük Britaniya 306 layihə ilə siyahıya başçılıq edir, ardınca 178 otel ilə Almaniya, üçüncü yerdə isə 120 obyekti olan Fransa gəlir. 117 layihə ilə Türkiyə ondan bir qədər geri qalır və bu, otel biznesinə investisiya qoyuluşuna görə Avropanın dördüncü böyük ölkəsidir.

Avropa şəhərlərini nəzərdən keçirsək, Londondan sonra (76 layihə) İstanbul (50) gəlir.

Türkiyədə mehmanxana biznesi yüksələn xətlə inkişaf edir, ekspertlər qeyd edirlər ki, 2026-cı ilə qədər burada mehmanxana biznesi sahəsində 354 yeni investisiya layihəsinin həyata keçirilməsi planlaşdırılır. Bunların arasında 2025-2026-cı illər dövründə 100 yeni 4 və 5 ulduzlu hotel açılmalıdır.