Dizel yanacağı ilə işləyən avtomobillərə maraq niyə azalıb? - VİDEO

10:01 - 26.08.2024


26 avqust, Fineko/abc.az. Dizel yanacağı ilə işləyən avtomobillərə maraq nisbətən azalıb.

Belə ki, Azərbaycanda Aİ-92 benzininin və dizel yanacağının qiymətinin dəyişməsi və bu iki yanacaq növü arasındakı qiymət fərqinin azalması dizel ilə işləyən avtomobillərin alış sayının əvvəlki aylara nisbətən azalmasına səbəb olub.

ABC.AZ Xəzər TV-yə istinadən xəbər verir ki, məsələ barədə nəqliyyat üzrə ekpert Eldəniz Cəfərov maliyə baxımından sərfəli hesab olunan avtomobillərə tələbin azalmasına başqa  amillərin də təsir etdiyini bildirib. 

Onun sözlərinə görə, tələbatın azalması isə dizel mühərrikli avtomobillərin qiymətində ucuzlaşmaya səbəb olmayıb.

Ekspert hesab edir ki, bazarda daha az sərfiyyatlı, həmçinin, hibrid avtomobillərə tələbat artıb, elektromonbillərə maraq çoxalıb. Hazırda ölkəyə gətirilən yeni avtomobillərin təxminən 20 faizi hibrid mühərrikli, 5 faizi isə elektromobildir.

Yaxın 5 ildə hibrid mühərrikli nəqliyyat vasitələri üzrə bu göstəricinin 30, elektromobillər üzrə isə 15 faizə yüksələcəyi gözlənilir.

Mövzu ilə bağlı daha ətraflı videomaterialı təqdim edir.