11:06 - 28.08.2024

---

28 avqust, Fineko/abc.az. Ukrayna Rusiya ilə 2024-cü ilin sonunda başa çatacaq qaz tranzit müqaviləsini uzatmaq niyyətində deyil, Avropadan tələb olunarsa, digər təchizatçıların qaz nəqliyyat sistemi vasitəsilə qaz tranzitini müzakirə etməyə hazırdır.

ABC.AZ xəbər verir ki, bunu V. Zelenski deyib.

"Heç kim Rusiya ilə müqaviləni uzatmayacaq, buna nöqtə qoyulub. Digər şirkətlərdən qaz tranzitinə gəldikdə, bəzi avropalı həmkarlarımızın sorğusu davam edərsə, onların xahişini nəzərdən keçirəcəyik", - deyə Ukrayna lideri bildirib.