16:37 - 28.08.2024

---

28 avqust, Fineko/abc.az. Azərbaycanda "Su ehtiyatlarından səmərəli istifadə üzrə Milli Strategiya" təsdiq olunacaq.

ABC.AZ xəbər verir ki, bunu Ekologiya və Təbii Sərvətlər Nazirliyi yanında Milli Hidrometeorologiya xidməti rəhbərinin müavini Rafiq Verdiyev COP29 ərəfəsində keçirilən "İqlim baxımından davamlı kənd təsərrüfatında su ehtiyatlarının idarə edilməsi sistemlərinin rolu" dəyirmi masasında deyib.

Onun sözlərinə görə, strategiya artıq hökumətə təqdim olunub. Su ehtiyatlarının idarə edilməsinə yanaşma tətbiq etmək, ölkənin davamlı sosial-iqtisadi inkişafını və su ehtiyatlarının təhlükəsizliyini təmin etmək məqsədi ilə hazırlanmışdır.

Milli Strategiya qısamüddətli (6 il), orta müddətli (6-12 il) və uzunmüddətli (12-18 il) hədəflərin həyata keçirilməsini nəzərdə tutur.